A ●New Chapter

[! HoPe !]

A new chapter,,

You know me , so there is no need to introduce myself
.
.

" عودة بعد انقطاع "

كيف الحال جميعاً

ها تسنفر عقلكم والا للحين P: ?

بعد أن جيكت انه مافي قانون يمنع فتح مليون مدونة لنفس الشخص قلت بفتح يديدة << كيفي خخخخ

بس صراحةً .. لأول مرة أحس اني فقدتكم جذي T....T !!

لدرجة عندي بلوزة مسويتها على أسامي الفلاشيات منزمان , صرت وايد ألبسها !! xP"

*راح أصورها على يوم ان شا الله و أحطها لكم P:




يا عسى كل الفلاشيين فرداً فرداً الموجودين والمشغولين والمختفين بخير و أحسن حال : )




.
.




Starting with mna mna


إغنية أدمنّا عليها xD

To draw a smile on your face ^___^










<< أدري مالها معنى و هذا الحلو فيها خخخخخخخخ

أفضل النسخة البشرية .. لأنه ملامحهم و نظراتهم لاعبة دور ..




any ways ,,

Be HaPpY FlashiEs

[! HoPe !]

(1)


Where have I been
= وين أراضيّي ..؟!


ممممممممممممممم

إجابتي لمن سألني (:

في نهاية شهر 1 سويت عملية ليزر حق عيوني ..

العملية نفسها ما كنت خايفة منها ولا حسيت فيها تقريباً ..

حتى الممرضة كانت تقولي you're strong & brave !

بس آنا كنت أحاتي بعدها خخخ ^^"

يوم 24 رحت سويت فحص على مليون جهاز فصلت عليهم خخخخخ

وبعدين لبسوني لبس العمليات ودخلت .. أول شي حط بعيني حديدة عشان تفتحها و توسعها

هذي بس ذبحتني =.="





<< أظن اهية الأولى بهالصورة "



والا الباجي عادي .. أشوف جراقي و ألوااان و ريحة حرق خخخخ .. بس لأنه حاط بنج فعادي ما حسيت بشي

بعدين كان لازم أظل فترة 5 أيام كاملييييييييين ماسوي شي T_______________T

كان اسبوع فظيييييييييييييييييع @@ قتلني فيه المللللللللل

ممنووووع أشغل أي جهاز و لا أسوي أي شي فيه تركيز و لا اضاءه .. لا قراءة لا رسم أو أطلع ولا شي ولا شي >___>

زهقت عيشتي بهالاسبوع صج صج حاشني اكتئاب مو طبيعي T__T خاصة وانه طبعي حرجة والله ماعرف أقعد جذي بدون ماسوي شي !

تلقوني لافة نفسي بكمبلي و لابسة نظارتي الشمسية وقاعدة بس جذي .. هذي حالتي كل يوم .. أو نايمة

حتى أمي كانت مسافرة بهالفترة ..

و اخواني الكبار دواماتهم طويلة >___>

يت عمتي يوم غيرت جوي فديتها

و بعد كسرت خاطرهم على آخر شي يابولي دفتر تلويييين على بباي وزيتونة

قالتلي اختي ميخالف لوني أي شي بس جذي بدون تركيز ..

و صج هههههههههههههههه

الحين لما صرت أشوف عدل أطالع والا الألوان كلها غلط الي ظنيته أسود طلع بنفسجي و الوردي أحمر مادري العكس والألوان أصلاً كله بره .. جنه ياهل ملون ههههههههههههههه

لازم أصور لوحة فنية لكم لازم لازم خخخخخخخخخخخ

عاد بعد هالخمسسسس ايام ..

مممممم راجعت رحت موعدي ..

و لازال ماشوف عدل .. سوالي فحص وقالي نطري اسبوعين وبيطلع البيرفكت مالج بعدهم .. الي بيوقف عنده نظرج .. ونشوف..

مرو اسبوعين .. أحس ماقدر أقرا أو أكتب !

حتى لو قربت الكتاب مني تظل الكتابة جنه جملتين فوق بعض !

و بدينا دواااااام

.
.

مع بداية الدوام اضطريت أقرا و أكتب ف جداً تعبت

طلعت دكتورتي هم مسويةعملية عند نفس الدكتور منزمان ..

فقالتلي .. آنا أدرّس .. فقلتله يعني علطول لازم أقرا و اكتب ما أقدر اخذ فترة ستوب .. فقام وعطاني نظاره لمدة
شهر ألبسهم بس لهالأشياء بعدين عادي خليتها .. وكل شي تمام .. روحيله شوفي شسالفه يمكن نفسي ..

عاد كان مسافر .. فتقريباً من اقل من اسبوعين رحتله ..

قلتله ترى طولت ! ليش للحيني ماشوف عدل ؟!! ^^"

ماقدر أجابل شاشة كمبيوتر ولا أقرا للحين .. حيل أصدع

زين مابدينا برسم الخرايط للحين .. شغلي يحتاج دقة وتركيز !

قالي أولاً شخص عن شخص يفرق ..
دكتورتج كانت أسرع منج.. انتي السالفة مطولة معاج .. صبري كل شي بالتدريج .. يبين بعد 3 أشهر
و آنا : 3 أشهر !!!! أخاف تقص علي كل مرة تزيد المدة --1

اهوه طمني انه الوضع عادي .. و حتى ماحتاج نظارة مؤقتة .. أحتاج صبر بس ^^" خخخخ

الله كريم ..
عاد الحيييين ..

ماقول بيرفكت .. بس أحس بالفرق .. الحمدلله على كل حال .. أحسن

قريت أول كتاب الاسبوع الي فات

واليوم بعد

و صرت أفتح اللاب شوي شوي

فصبراً علي (:





.
.
.




I still have more things to say :*
فإلي يبي يتابعني يتابعني ^^

[! HoPe !]

- Japan Film Festival -


[IMG][/IMG]

في هذي اللحظة .. سرحانة بهالاعلان الي دازينلي اياه القروب الياباني ..

عادة لما يسوون مهرجان يكون أكثر من جذي !؟

مستغربة انه بس يوم واحد و بس فلمين

بس مو مستغربة انه وقتهم خايس وصعب أروح كالعادة خخخخ

آنا باجر دوامي يخلص س 6 (:"

وفي شي بعد لاحظته ..

اختياراتهم للأفلام دايماً موذاك الزود .. مادري ..

دايماً يختارون أفلام ممله !

أحس لوزين يخلون القروب اهوه يختار الأفلام ! << خبرة أكثر xP"

بس للأمانة .. الفلمين الي الحين آنا ماعرفهم .. فمابحكم عليهم ..

اذا شفتهم بيوم وطلعو حلوين .. وعد أحط عنهم مواضيع

و الي شافهم ياريت يقولي رايه فيهم (:

[! HoPe !]

Reading Test


الاسبوع الي فات كانت محاولة قراءة أول كتاب بعد مدة

ههههههههههه بشوف هل بنحوِل والا عادي xP"

بس أتوقع انحولت " لانه صدعت -....-"

كان اسم الكتاب ( رحلة إلى مشرق الشمس ..... )

فيه من معتقدات قبيلة الشيروكي ..

همممممم ماشدني وايد .. و بعد يمكن ليش انجليزي ومترجم عربي ..
حسيت موقادرة أستوعب الترجمة مادري اشلون =....="

أما اليوم فطلعت كتاب ثاني




اقتباس :

" هذا الكتاب محاولة لتقديم نماذج بشرية رضت الاستسلام لواقعها المؤلم , وقررت تحويل الهزيمة إلى نصر ,
فكان لها ما أرادت, ولكن كان وراء نجاحاتها سر يجمع بينها هو " سر العبقرية " الذي يحاول الكتاب الكشف عنه."

" يتحدث هذا الكتاب عن عباقرة التاريخ الذين رفضوا أن يرفعوا راية الالستسلام للحياة عندما أشاحت عنهم ,
ولم يقروا بالهزيمة أمام واقعهم المؤلم, وبدلاً من أن ينتهي بهم الحال إلى حياة التشرد والضياع ، وربما الجريمة
والسجن، رفضوا السقوط،قبلوا التحدي، انتزعوا النور من عتمة الظلمة، واستولدوا الامل من رحم المأساة،
وحولوا بداياتهم الكارثية إلى نهايات بطولية ملحمية نافعة, وقدموا للبشرية خدمات عظيمة,لم يكن بمقدورهم
تقديمها لو كانوا قد استسلموا لظروفهماللعينة, التي ينوء عن حملها الملايين من البشر. وفي هذا الكتاب
نحاول تسليط الضوء على مآسيأهم وأبرز هؤلاء العباقرة في شتى المجلات ممن انهالت عليهم الحجارة من كل
حدب و صوب , فاستجمعواقوتهم وخرجوا من تحتها كالجبال شامخين , بعد أن جمعوها وشيدوا منها مجداً وتاريخاً .

الكتاب حده شدني .. و ممتعة قرايته

بالرغم من اني ما قريت وايد و لا خلصته !

أنصحكم فيه ( :

[! HoPe !]

بوينت ون
6-3-2012 الثلاث

أحياناً البريكات تكون متعبة أكثر من المحاضرات
هذا لما تكون بروحك محد معاك + بريكك طوييييييل
أعتقد انه النوت يفيدني في هالأوقات حق تأملاتي وشخبطاتي
آنا قاعدة حالياً في مكتبة جابر أتاأمل الكمبيوتر الي مايكتب
عربي باط جبدي من السنة الي طافت خخخخ صوب هذا نسيت
شسمه ..يه صبي توه و سألني عن اذا في أحد ممكن يساعده
.. كان يبي من الي يشتغلون بالمكتبة .. قلتله انه هذا مكانهم
بس محد موجود الحين .. وطلع ياي من الدور الأرضي و هم ما
كان في أحد .. ياخي أبي مرة تكونون موجودين تفيدون العالم
-___- كسر خاطري متوهق .. سألته شنو تبي !؟ يمكن أقدر
أساعدك.. كان يبحث عن كتاب و مو لاقيه .. مبين عليه انه مو
من عندنا .. شكله ياي من كيفان .. فخذت منه ورقته الي فيها
البيانات ورحت أدورله .. بس آنا مادورت دورت .. بس دليته و
رديت .. الحين أحس فقير جانزين مطلعتله الي يبيه .. أطل
أطالع كلساع شكله متوهق .. هممممم رد نزل .. والله زين
كا لقى يابله واحد يساعده .. أشوة الحمدلله ان شا الله يحصل
الي يبيه ..همممم مادري هل عيزت والا شنو بالضبط -....-"
بس أحس كل الطلبة الصبيان يهالو ".. صج عمرت خخخخ
هذا ثاني طالب مع هالحركة .. قمت أفكر أسجل تشغيل طلابي
بالمكتبة أساعد أمثاله .. بدال هالساعتين الي أقعدهم بس
جذي ماعندي شي... عالأقل أسوي خير و آخذ فيهم أجر

[! HoPe !]

مارس و فلفل ....!!
الخميس 8-3-2012

لن أنسى هذا الموقف أبداً !!!!!!
تعلمت : ان بعض أصحاب الوجوه البريئة , ذوو نوايا خبيثة بداخلهم !
طلعت بـ : ما أعطي ويه لأي غريب =...="


و لا أزال .. طالبة في مدرسة الحياة

[! HoPe !]

على وشك الولادة
_-3-2012

كنا نسمع الشرح ولأول مرة حسيت انه في طلبة مهتمين
بشي يشرحه لهم دكتور .. الظاهر ليش الموضوع شي
عندهم اياه ويبون يفهمونله أكثر .. فالبعض تركييييز و البعض
الآخر سرحان .. الكلاس هذا شعبة صبيان .. بس احنا أظن
7 بنات لانه خريجين حطونا وياهم .. فجأة ! البنت الي حامل
ويانا داخت @@ وقامت تتنفس بسرعة حسيت جنه صار
فيها هبوط .. وااي يمه داشة شهرها اهية عاد ! الدكتورة
اخترعت وقفت الشرح وراحتلها .. قامو يهفون عليها ..
سألتنا محد عنده ماي يعطيها !؟؟! والا واحد من الصبيان
عنده .. شوي والا ثاني حمدلله والشكر ههههههه قالها
دكتورة خلاص احنا عيل لازم نطلع عشان احنا مسوين
زحمة وماكو هوا اشرايج نطلع عشان ترتاح .. << أملك
الدكتورة تطلعك !! ههههههه ... بس الحمدلله .. شوي و
صارت البنت عادي .. هدت و ارتاحت .. ولازلت أتخيل ..
لو كان هذا يوم ولادتها !! ..
يارب تسهل عليها يا رب ..

[! HoPe !]

بس تعبت من اللاب

وراي يوم حافل .. بقوم أناملي جم ساعة ( :




Have a haPpy day eVery 1 :3

[! HoPe !]

The Lorax

يوم 10-3

يوم الي فتحت فيه هالمدونة .. كنت رادة العصر من الدوام

وبس ماكو طاقة لطلعة ثانية .. ^^"

قاعدة بغرفتي والا اييني أحمدو أخوي و عينه مغورقة يساحلني خخخخخخ

كان علساس بيروح مع عبود و ولد عمي الرحاب و يشتري شريط wii

بس ولد عمي طلع بيروح مكان ثاني أصلاً فعبود هَون /:"

فإهوه ياي يستنجد خخخخخخ

فقير صج عاد اهوه أقل واحد فينا يطلع .. يقول انا كنت بروح أشتري شريط وييي

و عبود الحين مابيروح بس عشان B

انزين آنا أبي أروووح !! اشلون يعني !

انزين اشرايج تطلعيني !؟!؟

- أحمدو مالي خلق أطلع الحين ^^"

تكفى أي مكاااان أبي أطلع .. باجر مدرسة خلاستانس اليوم T_T كله ما أطلع كله ما أطلع

<<<<< صراحة كسر خاطري .. بالأصح قطـــّع خاطري -..........-"


فخذته وديته السينما (:



الفلم كان The Lorax ..

واااااااااااااااااايد حلووووووووو

سعيييد و مضحك و كلرفول ..

و حلو انه يروحونله عايلة ويا بعض .. صج صج أنصحكم بمشاهدته ^^








اقتباس :

صبي يبلغ من العمر 12 عاما يبحث عن شيء واحد ليستطيع الفوز باعجاب فتاة احلامه.
وللعثور على هذا الشيء يجب عليه ان يكشف قصة لوراكس، وهو مخلوق دائما منزعج
ومرموق الاسلوب في نفس الوقت والذي يحارب لحماية عالمه.







أحلى شي خخخخخخخخخخ

انه احنا السينما عندنا مممنووووع ندخل أكل أو شرب من بره .. الي يبي لازم يشتري من داخلها

عاد احنا قبلها بيومين تقريباً شارين نفيش بنكهات و مو مبطلينه هع

فقلتله اشرايك نهربه

وصج ههههههههه حطيناهم بجيس محل ملابس .. حتى مو موجود بهالمجمع xD

وكشخنا فيهم داخل هيهيهي

هذيل اهمه .. بس مفتوحين بهالصورة



1- نكهة كراميل
1- جبن
1- أوريو !!


يا لزيييييييييييييييييييييييييييز P:

[! HoPe !]

Be Creative -1
تجبير الكسووور .. !



أحببببب الورد وايد .. أحياناً حتى اروح أشتري لنفسي من المحل القريب منا خخخخ

أحس بإنتعاااش و تفااااؤل لما أتأمله

تاريخ 2-3 أظن

كنا طالعين .. و بطلعتنا دخلنا محل ورد اينننننننننن كان عنده أنواااع مختلفة و ألواااان 3:

كان بخاطري آخذ بس مادري اشلون ..

بعد هالطلعة بنروح بيت يدي فلو خذت وين بحطه ؟! .__."

عاد اختي قالتلي ماعليه عادي نحطه بالثلاجة لما بنرد البيت نطلعه

فخذتلي باقة من اختياري ..

عاد وجذي بيت يدي ما شافوها الا لما بغينا نرد بيتنا .. فاستلمووووني لحظتها ضغاط -......-" يبه والله احنا الي شارينها محد أهداني "

فحطيتها بمزهرية يومها -^.^-



كانت خياااااااااااااااااااااال ..

بعدها باسبوع .. نص الورد ذبل _ _"

فـــــــــــــــــــــــــــــ ــ .....


خخخخخخخخخخخخخخخخخخ سويت تجبيييير للكسور

طلعت سيم و عودان و .. يوووووووش







تترااااااااااااااااا و هذي النتيجة خخخخخخخخخخ






و مرت الايااااام P:"

ولازالت البنفسجية والثنتين البرتقالية والفوشية الي معاها يحاولون يصمدوووون >___>

يمكن باجر أرأف بحالهم و أشيلهم .. اهئ

[! HoPe !]

13-3 يوووم حااااااااااااافل .. !!

أمس يوم .. اختلطت فيه مشاعر الفرح و الحزن و المفاجأة .. !!

اليوم كل ما بغيت أكتب عنه .. لقيت ايدي توَقف على الكيبورد و أهَون ..

هممممممم راح أجرب وقت ثاني ..

[! HoPe !]

وين التربية .. ؟!


طبعاً آنا اليوم مو مداومة ....

وبما اني مو مداومة وماعندي شي

فكان علي اني أروح آخذ اختي من المعهد لما تخلص دوامها

سلكت طريج مختلف تفادياً للزحمة .. والا ألقى نفسي أوصل وايد مبجر !! خخخخ

معهدهم لاااازق بأحد المجمعات .. فقلت دام واصلة مبجر خلصفط سيارتي بمصافط المجمع وأتمشى فيه على ماتخلص اختي

وكالعادة المجمع متروووس من بنات هالمعهد

أصلاً الي يدشه بالنهار يحس انه داش المعهد نفسه مو سوق !! -___-

و كنت في أحد المحلات أطالع نفنوف عاجبني بقايسه والا فجأة تصير ضجة بره O_O

عاد سألتني الموظفة .. مابتعرفي عن الي حصل بره ؟!

وآنا : ها ؟!

والا صج أسمع صراااااااااااخ و لووية O____O

تقولي : هادول من بنات المعهد .__.

عاد آنا اخترعت @@ كنت توني مكلمة اختي خلصت وبتدش تلاقيني بالمجمع

طلعت من المحل بسرعه و شكلت عليها تيلفونات ماترد

وأشوف لقااافة الناس واااضحة .. الكل قاعد يصعد الدري بسرعة عشان يشوف شسالفة =....="

آنا صعدت بعد ماخلصت السالفة

والا أشوفهم ملتمين على بنت طايحة عالأرض مادري اشسالفتها !!

و أخيراً ردت علي اختي عالتلفون .. فمشيت و خليتهم ..

و آنا أمشي والا اييبونها من وراي على وييل جير يركضون فيها ..

واااااااااي كش شعر يمبي اخترعت قمت أرجف تذكرت موقفي السنة الي طافت

عاد بعدين لما لاقيتها والا تقولي ..

آنا سمعت الناس يتكلمون يقولون وحدة منهم كانت تدخن فالثانية شافتها و تفلت عليها فتطاققو

عاد ولاقينا الموظفة مرة ثانية .. على قولتها : حتى الأولاد ماسوو جذي .. سب و شتايم وضرب !!!

تصرفات بنات هالمعهد موصج -____-

من أمه يبيلهم درس تهذيب ..!!!

عاد والله العالم .. اقولها الحين بدينا .. بينشرون اشاعات على كيفهم .. مايندرى عنهم اشصار بالصج ..

آنا مو حارني الا هالناس الي إلتمو على البنت الطايحة بس جذي !!!