بس ماعلينا :0 بنستخدمه لفترة لين ما اشتري لي لاب نفس الناس
المهم =) اول شي احب اقوله ~_~
الحمدالله وصلت للهدف اللي كنت محطنه
وهو اني انزل وزني لــ65
كان وزني قبل 97 خذت تقريبا 4 شهوري لين ماوصلت لهالوزن
بديت بشهر 2 .. كنت .... متحطم نفسيا
كنت اسوي دايت + رياضه .. ولكن المنظور الثاني مني الا وهو الجزء الشيطاني
كان دوم يحوم ع راسي ويقول لي .. مابتنزل مابتوصل للوزن هذا ومستحيل توصله
ف احسن لك ودر كل هالتعب وروح خذ لك سندويجه بيغ ماك جكن من ماكدونالد مع البطاطا المقرمشه
والمشروب البارد .. نعم لقد كان دربا شاقا جدا جدا جدا .. حيث الافاعي والافخاخ والاعداء ينلجون
علي من كل ناحية ... ويت ويت :0 ينلجون هاي كلمة ؟؟ :0 كحم.. ماعلينا ..
المهم .. اللي احب اوصله ( = ان مافي شي اسمه مستحيل .. ومافي شي يتحصل من دون تعب
الواحد يحطي له هدف .. بيتعب .. وبيتعب ... وبيوشك انه ينتحر بوجبه من فاست فود :0 ! ولكن بالعزيمة والارادة كل شي يتحقق (= .. كلامي ها موجه لكل من كان يعاني مثلي من مشاكل ف الوزن -.- ! !! يا دبااااااااااااااااديب اسمعو ترا السمنه تقتل >:0 --> بدينا بالغلط
امزح تراني ..تعرفوني انا حبوب :0 -->خايف من البكسات اللي بتيه
بخبركم عن نفسي لما كنت متين .. وشو كان يصير فيني . . وليش قررت اني انزل وزني مره !
اولا الصحه .. انا من يوم كان عمري 14 مصاب بــ سم اسمه "الضغط " نعم انه لمرض فتاك -.- ...
يجعلك كالعجوز الكحيان المنهار
هالشي كان هدية من ماما وبابا الله يخليهم لي ( = ... خخخ بمعنى آآخر = وراثي
السمنه اللي فيني ماقصرت ولعبت دورها وزادت الضغط فيني وخلته ازمه كبيره ..
صداع .. انهيار.. دوار .. تعالج ف ستين الف مليون مكان وماشي فايده .. كنت كل ما أروح مستشفى يوصفون لي نوع معين من الادوية .. حتى صار عندي كبت مليء بالالوان الزاهية منها /: حتى وصلت اخر محطه الا وهي بانكوك .. تعالجت هناك اخر مره ووصفو لي دوا واحد اتم عليه بدل الخبصه اللي كنت فيها
والدكتوره ماقصرت (= كانت تتحرطم وتسب ع راحتها بالتايلندي والمترجم يترجم لي عربي وانا اقول سحقا لها.. ولكن ف نهاية الحديث المطلسم معاها :0 ! قالت لي "يابني انك لازلت شابا يافعا بسن الزهور فهل تريد ان تموت وانت بسن ال25 ؟ بجلطه ؟؟ " ماعلينا من الكلام الدرامي :0 وصلنا اخر شي للي نبيه "مع وصفة الدواء هذه ..لا تظن انك ستعافى !! يجب عليك اولا ان تخف من وزنك ! وتنقص نسبة الدهون الزائده فيك وان تترك ->الفاست فووود<- ومن ثم ستعافى" وانا اقول ف داخلي ... اصمتي يا شزابه
الزبده من الحكاية كلها .. السمنه يجب ان تزول ..
وثاني شي ... السفر واختيار الملابس..
كنت استانس حيل ع السفر ولكن كنت انحبط اكثر
لما اروح اشتري ملابس ...
لان اغلب الاشياء الحلوة ماكانت تيوز لي بمعنى اخر كل الماقاسات سمول + ميديام
مافي اكس اكس لارج (= ... ف كنت اشوف الصبيه يتمشون ويخقون ويمرحون
في تلك الملابس الراقيه (= .. وانا .. خلوها مستورة
ثالث شي .. ماكنت اقدر استانس ف طلعات البحر وهالسوالف اللي فيها اكشن وايد
ف مـع بداية السنه اليديده هاي 2012 .. كنت اوقف جدام المنظره واقول ..
يا مرايتي يا مرايتي مين اتخن فيل في كل البلدان ! وتتكسر المراية (= -->ماعليكم هاي هذربة خارج النص
المهم .. كنت اشوف نفسي جدام المنظرة .. وافكر ف المستقبل ..
لو ظليت جي.. وانا مازلت شاب سأقبل ع سن ال20 .. و يالس اقتل نفسي بيدي
ووزني يزيد ويزيد بلمح البصر.. وانا لساتي ماشفتش الدنيا ومش عاوز اموت ! --> كحم دراما شوي من الخاطر ..
ف كنت اتخيل كيف بتكون صحتي وحالتي اذا تميت ع هالوضع ! واللي كنت اشوفه شي سيء جدا جدا ..
ف حطيت لي هدف اني لازم اغير اسلوب الحياة اللي اعيشها من الـ..
chubby version ----> fitness version
وشو الاشياء اللي بقدر اسويها لما انزل وزني .. وهي وايد اشياء D:
حطيت لي الهدف.. وسويت لي جدول دايت
ريوق = بياض بيض + خياره
غداي= صدر دياي مشوي او عصير برتقال مع جريب فروت او قطع اناناس مع عصير ليمون خالي السكر
عشاي= روب خالي من الدسم او خيار مع جزر او تونة عادية
وبكمل الرد لاحقا لان هاي ثالث مره ارد اكتب واللاب الخسف يعلق -.-
ويمرحون 
.. خلوها مستورة
..
وارسم 
العرض العادي
