السلام عليكم و رحمه الله و بركاته
حــياكم الله
دوللي
أول شي , أعذريني على التــأخير 
يا ستي ,
بالنسبة لسؤالك و على حسب معطياتك ( صارت مسألة رياضية )
أكيد الأعراض تتشابه و لكن في واحد من الأعراض تفرق الأمراض
أول شي , دمك 10 لا بــأس و لكن لازم تراجعي طبيب عام بحيث
راح يكتب لك حبوب حديد مثل ferogloubin
لان نقصان معدل الهيموجلوبين بيسبب تعب عام في الجسم
و كمان تعب من اقل مجهود , و صداع .
عدم ممارسه الرياضة , سبب مــهم , لان عدم الحركة مشكلة .
لازم على الأقل تتمشي لمدة نــص ساعه - ساعة في اليوم .
عشان الدورة الدموية تتحرك و تصيري نشيطة .. ^___^
بالنسبة للصداع عامه , ففي نوعين انا شاكه فيهم
صداع الجيوب الأنفية لأنك تتحسسي من العطور فإحتمال مش
صداع , حساسية , بحيث ان المخاط الي يكون نازل يكون ابيض
شفاف , و بيكون في احتقان في منطقة ما بين الحاجبين اعلى الأنف .
و النوع الثاني صداع عادي او نصفي و قلت انك يوم يجيك الصداع
عيونك ما تظلم و تقدري تشوفي كويس , فنقدر نستبعده .
عشان كده أول شي إهتمي بغذائك و حاولي تتحركي و تسوي
رياضية عشان يخف عنك الصداع و التعب , كمان لا تقعدي 24 ساعة
بالبيت و تحت المكيف لانه برضو مش كويس .
بالنسبة لدوختك , فحاولي تتجنبي الأشياء الحلوة الي تسببها لك ,
ترى انا نفسك , يوم اشرب شي حلوووو وايد اتعب و احس بغثيان .
فأروح على طول اشرب مويه او اكل شي المهم يروح هالشعور .
فهذا شي طبيعي على حسب طبيعة جسمك مثل ما قلت لك .
و كمــان في سبب مهم ,
كثرة الملح مش كويسة , ترى برضو تؤدي إلى الصداع و تعب عام .
فكمان قللي من الملح .
و في النهاية حاولي تستشيري طبيب مختص للإطمئنان لا أكثر ^___^
و سلامتك ما تشوفي شر .. و أي استفسار انا حاضرة ..
و أهم شي التـــوازن الغذائي ..
و سلامتكم
في امان الله
العرض العادي
