][ Stories ][

[Lithium]

السلام عليكم ..

ياه زمان عن المدونه ,

الفكره في التدوينه هذي جات من الاخت العزيزه دي.ام ( ثانكس ) ..

تابعوا معنا و ان شاء الله تنبسطوا < اهم شيء ^_^

][ Weddings ][

طبعا في الزواجات تصير لنا مواقف او نسوي اشياء كثير تضحك ..

احم ,

. تـرحـيـب حـار .

هذه ذكرتني فيها دي.ام في احدى تدويناتها ,

قبل فتره ليست ببعيده انعزمت على زواج في السعوديه ..

المهم رحت للزواج و وصلت هناك بالسلامه ,

كان وقتها امطار و عواصف ترابيه بقوه ..

انا رحت و تكشخت و تجهزت للزواج و رحت بسم الله نبارك للعريس ,

وصلت و ركنت السياره قريب لـ باب الصاله لان ..

دخلت الصاله والا الترحيب كان غير شكل !

عادة في الزواجات عند الباب يوقف اخوان و ابناء عم العريس المقربين ..

لكن هالمره @@

عمام و خوال العريس ( اقصد كبار بالسن ) ..

انا قلت اوه وش ذا الترحيب الروعه الكبار يرحبوا !

سلمت عليهم هلا ابو فلان و هلا ابو فلان و ( خشمك ) xP

المهم ..

دخلت و سلمت على العريس و مبروووووك و منها المال و منك العيال والا اتفقوا بينكم P:

المهم عاد قلت له " فيه شيء غريب بزواجك و بصراحه عجبني "

قال شنو ..؟

قلت " الحين انا او المعروف ان الزواجات فيها الشباب يرحبوا مو الكبار بس انت بزواجك الكبار يرحبوا ماشاء الله فكره حلوه و الله يعطيهم العافيه "

قعد يضحك ..!

قلت هاه وشفيك @@

قال " شوف يا محمد انت عارف ان الجو اليوم عواصف و كذا "

قلت ايه @@

قال " انا كنت قبل 5 دقايق قاعد و كل الكبار جنبي و بصف الكراسي اللي جنبي "

قلت زين وش مخليهم يرحبون فيني كذا ؟ @@

قال " قبل لاتوصل او في الـ5 دقايق اللي فاتت جات صاعقه و ضربت و من قوتها السقف تحرك و اهتز و قاموا كلهم من الخوف لا يطيح و ركضوا لبرا xD "

قلت افااا هذول عمامك xP

قال ياخوي الحياة مو لعبه هم صج مرات يهايطون بس تبقى الحياة غاليه !

قلت زين خليهم يولون و قعدنا نسولف ..

كانت السالفه مضحكه و بقوه كيف شكل الكبار يرحبوا و الصدمه انهم خايفين ! xD

. الأطـفـال .

في زواج احد اقربائي ..

معروف ان في الزواج يتم توزيع العصائر الطازجه و الشاي و القهوه ,

لكن العصائر تكون فريسه سهله للأطفال ..

فقبل زواجه بساعات قال اتمنى احد ينقذني و يفكني من الاطفال و مشكلة العصائر ابي شيء يفكنا منهم !

قلت لو حليت لك المشكله وش لي ..؟

قال اللي تبيه !

قلت مابي شيء بس لاتنسى تعطيني شيء غالي كثير كـ هدية زواجي بعد 8673985679 سنه xD

قال اوكي تم !

قلت خلاص ..

و يجي الزواج و ينتهي ومافيه ازعاج ولا اطفال ولا دوخة راس !

قال محمد شسويت ؟

قلت انا اقولك xP

قال اوكي !

قلت شوف انا رحت جبت معلمين ( اثنين ) شاورما و عطيتهم فلوس و حطيتهم خلف الصاله و وصيت الشباب عند الباب انهم كل مايشوفوا طفل يقولون له فيه شاورما ..

فكانوا الاطفال خلف الصاله عند المعلمين و شاورما يا معلم ! xD

و مر الزواج بخير xP

و عقبى لكم ^_^

. الـتـمـاس .

في زواج اخوي قبل 5 سنوات تقريبا ..

كان الزواج في خيمتين ( متعلقين في تراثنا ) ..

خيمتين مفتوحتين على بعض لان كنا عارفين ان الحضور بيكون عدده كبير جدا ,

فكان يومها فيه امطار ..

و كانوا مبسوطين الناس و ضحك و فرقة ( عشان الشباب ) ..

كان حلو الزواج كثير ..

والاكثر متعه لما طفت الكهربا بسبب الالتماس xP

الفرقه انبسطت على السالفه و قعدوا اكثر و الشباب بعد ,

و المضحك اكثر شيء كان صاحب المولد ..

لعبت في نفسيته و قلت اني بخصم عليه و مثلت اني معصب للسالفه ..

يالله كان يضحك ,

قلت له مارح اعطيك فلوسك كاملين تخصم لي على كل ثانيه دينار انت شايف الحضور كيف !

قال ياخي والله انا اترزق ربي و المولد كان تمام بس مدري شفيه اليوم ..

قلت المفروض جايب واحد ثاني !

خلاص مارح اعطيك فلوسك راح اخصمك ..

عاد هو يعني زعلان xD

قال خلاص ياخي مابي الفلوس ياتعطيني اياهم كاملين والا مابيهم !

قلت زين خلاص مارح اعطيك فلوس ^_^

قال والله انا اترزق ربي يا اخوي و ادور لقمة العيش T_T

قلت زين تخصم !

قال لا T_T

قلت لا والله بالحق لازم تخصم يعني انت عارف ان السالفه محرجه عند الكبار و اما الشباب انبسطوا على السالفه ..

و سوها اكثر عشان يحجزون عندك الشباب و يطفي المولد xD

قال والله فكره !

قلت ايه بس مو كل مره تسلم الجره ترا بيوم مايعطونك فلوس !

قال اتوب !

قلت زين يالله اخصم لي مبلغ بسيط عشان الانطفاء ..

قال خلاص و سامحني ..

قلت ماعليه اصلا انا امزح معك ماكنت ابي اجيك على طول و اقولك اخصم قلت خل امزح معك شوي ..

و انتهت السالفه و الحمدلله خصمت xP

. مـيـن الأشـجـع ..! .

قبل قبل قبل كان عمري تقريبا 13 سنه ^_^

ببداية المراهقه و فرض الشخصيه xP

كفخني العريس بيوم زواجه xD

هو صديق اخوي المقرب ..

عاد انا حقدت عليه ,

رحت جمعت ربعي بالشارع او الحاره و قلت لهم ..

منو اشجع واحد فينا ..؟

و كلهم انا و انا و انا xP

المهم ..

قلت شوفوا خلونا نشوف منو الاشجع فينا بـ نزع المصابيح من اماكنهم في الزواج و اللي يجمع اكبر قدر هو الشجاع و مايخاف لايصيدونه !

قالوا اوكي ! xD

قلت يالله ..

و جاء وقت التحدي ,

عاد انا نذل ^_^

ماكنت ابي اتمشكل او انمسك بالجرم المشهود xD

فـ كنت اشيل مصباح و اوقف ..

و الشباب يشيلوا و يتنافسوا على الشجاعه ! xP

و انا كل ما التفتوا لي المتنافسين كنت اشيل مصباح ..

انتهت المسابقه و اكثر واحد اتوقع جمع 25 مصباح ..

اما انا 3 xD

قالوا وين الليتات اللي جمعتهم ..؟! @@

قلت انا خوااف اصلا ,

والا يجي اخو العريس و معه كم واحد ..

يعني اخوه الكبير و صادنا اكيد بيكفخنا xD

قال منو اللي شالهم ؟

قلت انا ماشلت الا ثلاثه و هم قصوا علي T_T

قال تعالوا !

و يكفخهم و كانوا يصرخون والله محمد اللي قال لنا وااااااااااااااع xD

نذل xP

انتقمت و ببراءه ^_^

للحين يذكرونها الشباب و للحين حاقدين علي xP

--

بس انتهينا اليوم ..

اهم شيء تكونوا انبسطتوا ان شاء الله ^_^

شكرا للمتابعه ..

تحياتي ,

و السلام ..

[{ اِبتســـآمة ..~]

السلام عليكم ورحمة الله وبركاته ..~

صبآح / مسآء النور و السرور ..

صدقاً مدونتك من أمتع المدونآت و أخفهآ على النفس ..

متآبعة بهدوء .. ومع ذلك فالكلمآت لآ تسعفني للرد ..

كل الموآقف جميلة .. ممتعة .. و مفيدة : )

حليله هو كبير بالسن شايب < اكبر مني بواجد xP

قال روح بيتكم و طلعه ماني فاضي لك <.<

قلت زين ^_^

و مشيت و خليته

أضحكني هذآ الموقف جداً ^.^


أخي الفآضل ~.. ليثيوم ..~

أسكن الله السعآدة قلبك ..

و دمتَ طيباً لأهلك و أحبتك ..

أختك ..

اِبتســـآمة ..~

[رموشة ^^]

السلام عليكم

مرحبا تراابز

ازيك ..؟

ان شاء الله تمام

أخبار الدراسة ..؟

يارب كل شيء تمام


زمان عن مدونتك الفترة اللى فاتت بجد كنت مشغوولة

واليوم ماصدقت فضيت شوية


قلت الفلف شوية

عجبنى مواقف الزوااج بكثرة

واكثر تبعت الاطفاال والشاورما

تخيل ماشاء الله عليك ذكي

وتقدر تتصرف فى المواقف الصعبة

اما تبع اللمبات فى الزواج

بجد غريبة

وموقف يخجل صراحة

عاااااد أصحابك وجهوا أصابع الاتهام لك

وانضربت فيها

بجد كسرت خاطري

الله يوفقك

اسعدتنى بالفعل

من اروع المواقف اللى ضحكتنى هنا

بانتظار جديدك دائما

حتى لو مارديت تاكد انه متابعه ولكن بصمت ..!!

سلام

[Lithium]

السلام عليكم ..

{ اِبتســـآمة ..~

صبآح / مسآء النور و السرور ..

اهلا وسهلا ..

صباح و مساء الخير ,

صدقاً مدونتك من أمتع المدونآت و أخفهآ على النفس ..

متآبعة بهدوء .. ومع ذلك فالكلمآت لآ تسعفني للرد ..

كل الموآقف جميلة .. ممتعة .. و مفيدة : )

شكرا على الاطراءات ..

اهلا بك بهدوء ,

يكفي المرور ..

أضحكني هذآ الموقف جداً ^.^

هذا ما اريده ..

فقط المتعه و رسم الابتسامه ,

أخي الفآضل ~.. ليثيوم ..~

أسكن الله السعآدة قلبك ..

و دمتَ طيباً لأهلك و أحبتك ..

تشكرين اختي ..

و لك ذلك ,

سلمت على المرور و الرد ..

تحياتي ,

تناهيد روح

اهلا و سهلا ,

مرحبا تراابز

ازيك ..؟

ان شاء الله تمام

أخبار الدراسة ..؟

يارب كل شيء تمام

الحمدلله كل شيء ماشي حاله ..

بس انا مادري ان كنت بخير لكن دائما اتوقع الافضل ,

زمان عن مدونتك الفترة اللى فاتت بجد كنت مشغوولة

واليوم ماصدقت فضيت شوية


قلت الفلف شوية

ايوه الفتره الاخيره حسيت بعدم وجودك في المنتدى ..

كلنا مشغولين هالايام و صدقيني مو كثر ما انا مشغول ,

حياج الله في اي وقت ..

عجبنى مواقف الزوااج بكثرة

واكثر تبعت الاطفاال والشاورما

تخيل ماشاء الله عليك ذكي

وتقدر تتصرف فى المواقف الصعبة

شكرا ..

اهم شيء عجبوج و استانستي معنا ,

اما تبع اللمبات فى الزواج

بجد غريبة

وموقف يخجل صراحة

عاااااد أصحابك وجهوا أصابع الاتهام لك

وانضربت فيها

بجد كسرت خاطري

لول ..

انا انضربت صحيح بس مو اكثر من اللي معي لاني اخذت فقط 3 لمبات ^_^

هم اللي يكسروا الخاطر مو انا xP

الله يوفقك

اسعدتنى بالفعل

من اروع المواقف اللى ضحكتنى هنا

بانتظار جديدك دائما

حتى لو مارديت تاكد انه متابعه ولكن بصمت ..!!

الله يوفق الجميع يارب ..

اهم شيء انبسطتي ,

بانتظار زياراتك دائما ..

حتى و انا كانت بصمت ,

تحياتي ..

والسلام عليكم و رحمة الله و بركاته ,

[Lithium]

السلام عليكم ..

كيف حالكم اعزائي ..؟

اتمنى تكونوا بتمام الصحه و العافيه يارب ,

انا الحمدلله اتوقع ان اكون بخير ..

احم ,

][ بـعـد الـتـمـثـيـل ][

أتوقع بأنني وضعت هذه التدوينه قبل مرض المنتدى ..

لكن لم لا اضعها ثانية ..؟

حسنا ,

كثيرا مانسمع قصص معبره و جميله او مواقف رائعه ..

اليوم و قبل نصف ساعه تقريبا لا اعلم كيف تذكرتهم ,

لم لا نتابع معا ..؟

اعلم انها فيديوهات قديمة لكن لنتابع ^_^

اعتذر على وجود الموسيقى في المقاطع ..

خصوصا المقطع الثاني ,

حسنا حسنا ..

تفضلوا ,

. الفيديو الأول .

ألبرت آينشتاين ,

من منا لايعرفه ..؟

هذا فيديو عنه و هو في الصغر ,

و قد سمعت قصه اخرى او نفس المحتوى لكن لشخص عربي او صحابي او أيا ً كان ,

سواء كان الفيديو حقيقي ام لا ..

يبقى العرب هم من طوروا العلم ,

و الغرب هم من احسن استخدامه ..

كم كنتم رائعين ايها العرب ,

و كم انتم مضحكين الآن ..

اتمنى ان تتحول ابتسامتي الى ابتسامة فخر يوما ما ,

يبدو انني اطلت عليكم ..

تفضلوا ,

http://www.youtube.com/watch?v=2z2HSw5eozk

هل الغباء موجود .. ايها العرب ..؟

أنتم مخطئون ..

الغباء هو نتيجة غياب العقل ..

هل ادركت انك مخطيء يا ألبرت ايضا ..؟

كيف تقول شيئان لا حدود لهما .. العالم و غباء الانسان ,

لكن اتعلم ..؟

سأسامحك هذه المره يبدو انك نسيت قصتك مع البروفيسور ..

لك كل الاحترام و التقدير ,

. الفيديو الثاني .

بر الوالدين و هل يجب ان اتكلم عنه ..؟ ^_^

فلنتابع ,

http://www.youtube.com/watch?v=cZhhc40OcCo

الى امي و ابي ..

كم اتمنى ان تكونا هنا ,

كي نصبح اصدقاء ..

لكن يبدو اننا سنعيش سوية مع حبيبنا في الجنه ,

كم انا احبكم ..

اشتقت لكم ,

ربي يرحمكم .. و المؤمنين جميعا ً ..

--

انتهى لليوم ..

اتمنى ان يعجبكم ما وضعته ,

تحياتي و احتراماتي ..

والسلام عليكم و رحمة الله و بركاته ,

[Lithium]

السلام عليكم ..

كيف حال الجميع ..؟

اتمنى تكونوا بتمام الصحه و العافيه يارب ,

انا بخير الحمدلله .. بنسبة 75% ميبي ,

مابطول عليكم ..

اليوم التدوينه غير مره ,

تتكلم عن ..

بتفهمون و انتوا تقرونهم ^_~

احم ,

][ Hmm .. ][

. الأول .

هو مافيه شيء بس المضحك الكلام فـ الكل لاتفهمون غلط و انا الحمدلله عاقل و الشباب يشهدون ^^"

احم ..

مره اتصل فيني صاحبي قال لي محمد فاضي ..؟

قلت ايه تفضل ..؟

قال تعال ابيك ببيتنا قلت اوكي ..

دخلت والا قال لي انه بيسافر بعد اسبوعين الى بريطانيا للعلاج مع اخوه و ماعنده اصحاب هناك و متضايق ,

قلت زين انا ما اقدر اروح معاك بس عادي اشوف لك من اللي بإيميلي ..؟ ( اقصد عايشين هناك )

قال لا انا ابي ندخل انا وياك بالمحادثات الصوتيه و نتعرف على ناس من هناك ,

قلت اوكي ..

هو الرجال متدين الله يجزاه خير ,

دخل و سلم بتحية الاسلام < بعد ما اخذ المايك طبعا ,

و قال شيء ضحكني لين بجيت ضحك xD

قال ..

Hi my name is Mohammed and i'm from Kuwait ,

i want to go to London but i have no friends there ..

it's a long story and i will tell you later ,

i came here because i need a " boy friend " ..

انا صرت جذي @@

قلت طف المايك xD

قال هاه ؟

قلت انت تعرف شتقول ؟

قال ايه انا ابي صديق ولد هناك ..

قلت بس مو بهالطريقه xP

قال ليش ؟

قلت غلط خلني اشرح لك ..

قال اقعد انت مفهي !

قلت اوكي xD

i'm sorry this is my friend he was joking ..

well i need a boy friend ,

any boyfriends ?

محد يرد عليه xD

مت ضحك xD

قلت والله انت غلط قال لا المايك خربان ..

قلت جيب و شوف .!

قال اوكي ,

و اخذت المايك .

Hi how r u guys well this is my friend he don't know english well ..

he mean that he want a friend not a '' boy friend '' any friends there ?

والا يردون علي الناس ..

هو انصدم قال شلون ؟ @@

قلت انا اقولك ,

بس اعترف انك غلطان اول ..!

قال زين غلطت ,

قلت اوكي ..

قلت انت لمن قلت ابي صديق انت حددت انه يكون حبيبك مو انه رجال و صديق بس xD

قال هاه من صجك @@

قلت اي والله .! xD

قال استغفر الله وربي مدري !

قلت زين هدي ,

و لقينا له صديق و راح و صاورا ربع هناك و رجع و لازالوا يتراسلون ^_^

. الثاني .

مره كنت رايح المطار و معي صديقي ..

ننتظر واحد جاي من مصر ,

المهم ..

عاد قلت نضيع الوقت و ندخل محلات ,

دخلنا محل فيه عطورات و حركات ..

المهم ,

انا اتمشى و بعدها وقفت و قعدت اطالع بالناس ..

رفيجي يفتر بالمحل و الا تجي وحده تشتغل فلبينية الجنسيه ,

قالت تشتري هالساعه .؟

قلت لا ..

قالت زين انت لو تشتريها نعطيك هديه شنطه نسائيه ,

قلت مابي ..

قالت زين اشترها و خذ الهديه لأمك ؟

قلت ماعندي ام ^_^

قالت زين اختك ؟

قلت ماعندي اخت ..

قالت زين your girlfriend ,

قلت ماعندي ,

ابتسمت قالت زين انا خاطري انك تاخذ الساعه و الشنطه خلها لبعدين ..

قلت لا انا عندي فكره ,

( كان صاحبي جاي بإتجاهنا )

قالت شنو ؟

قلت ..

i want to give it to my boyfriend

والا يجي صديقي xD

هي انصدمت و قالت اوه سوري و راحت xPPPP"

قعدت اضحك عليها و جا صاحبي و قلت له السالفه فطس ضحك xD

و توته توته خلصت الحتوته ^_^

--

انتهينا لليوم ..

ان شاء الله استانستوا ..

نشوفكم على خير ,

تحياتي ..

و السلام ,

[D_life]

السلام عليكم ورحمة الله وبركاته


دقيقه اجيب الفشار والكولا
<<<ما احب الفشار...احب البطاطس المقلي...برب اجيبه واجي




سسسسكححححححححح <<<كولا انفكت
يالله بسم الله نقرا





البوليس :


انت ليش تمشي بسرعه :
-__- يخرب عقلك....130...انا مره وصلتها دا الشي....واترعبت ( وعاد تعرف المكسيما بسرعه تجيبها)
واقصى شي بحياتي 160....وكنت شوي واموت من السرعه <<<من الخوف كح
وياباااي...الشرطي دا مررره طيب
انا مره قطعت اشاره <<<ليش تقطع طيب
وجا الشرطي...ولسى ابغى افرشه وازبطه واكون طيب معه...إلا القاه قطع المخالفه وسلمني -_- <<<جات ع راس ابوي لأن السيارة بأسمه كح



دونتس
ههههههههههههه ياخي الشرطه من جد عندكم اليفين
نحن لو حاولنا ننكت راحت علينا
مثال ( الرخصه مخلصه) وجات نقطة تفتيش...وبدل ما اسكت...قلت خليني اموه <<تمويه في عينك
فتحت الشباك وقلت ( حي الله الرجاجيل ) قال ( رجاجيل ....جنب جنب بس )
-_- واخذت مخالفه -__- كح




اعطيك قصه عن السواقه سارت لي
انا طبعي انسان هااادئ ولله الحمد..ولو زعلت على الغلط وبسرررررررعه ارجع عادي
يعني كلمه طيبه تجيبني ^_^<<<بالعبط مافي امل اجي

المهم...ومره سارت لي مشكل...وكنت معصب...وجا واحد لف بقوه ( سقط علي ) يعني جا قدامي
إلا وادق البوري ( طووووووووووووووووووووووووووووو ووووووووووووووووووووووط )
وهو طلع يده وسوا حركه معروفه -_- كح
وانا ركبت دماغي...رحت رديت نمره والحقه واقرب منه واسوي حركات بايخه بالسياره...وجمبي خويي مطوع يقول لي تعوذ بالله ياخي
‘لا وراعي السيار ( نوعها طرنزان ) يوقف ويجنب
وانا اجنب واطلع من السياره ورايح اتضارب ( اول مره بحياتي والوحيده امكن )
وإلا يطلع لي من السياره شخص...تقدر تقول عليه ( ياتي - الحانوتي - بيغ فووت - كينغ كونغ )
انا انفجعت ووقفت مكاني....راح قال لي ( ايش بأهلك انت )
قلت له ( ياخي حسبتك قصير زي قلت بأفرشك...بس شكلك بتفرشني )

إلا والواد ماااااااااااااااااااات ضحك....والحين انا وهو اصحاب ^_^ نشوف بعض من فتره لفتره ^^


















نكمل الحلقه الي بعدها.....خلص البطاطس....معك جالكسي ؟
نفسي بجالكسي...اقول روح جيب جالكسي وانا بكمل الحلقة <<<سواق عندك







ويدينقز


ترحيب حار
ههههه قلت لي طلعو ابطال من ورق خخخخ ^_^ الله يحفظهم
وقلت لي...منك العيال خخخخخخ <<<نقولها لكل خوياننا الي يتزوجو


الأطفال
t__t في زواج خويي بعد شهر...تجي ؟ كح
انا اكره الأطفال لما يكونو ع 7 او 6...واقل من كده يكونو فله
بس اخخخخ ع ذكريات الزواج....كان هذا يعني الطش والطيري وكل الهبل ^^



مين الأشجع
خخخخخخخ كفخك العريس هههههههههههه والله موتني ضحك

ههههههههههه والله طلعت شيطان ^_^
ااااخ بس لا تفكرني بالمضاربات وصغر العقل ايام المتوسطه...شي محرج كان هع ^^



لي عوده ^_^....اجيب بطاطس زياده وجالسكي يا بخيل



سلام عليكم ورحمة الله وبركاته ^_^

[D_life]

السلام عليكم ورحمة الله وبركاته

عارف...كنت على اساس ارد بعدين
بس مره اثر فيني الفيديو التاني ^^
قريته زمان كصه...بس المرأي ياثر اكثر....سبحان الله والله يحفظ اهالينا







خخخخخخخخخخخخخخخخخخ نخش في الأ Hmm


الاول
ههههههههههههههههههههههههه
يالله جلست اضحك ضحك هههههههههههههههههههههه
وردك بعده يالله خخخخخخخخخخخخخخخخخ الله فظكم بس
هههههههههههههههههههههههههه يالله خخخخخ


الثاني
خخخخخ ياخي حرام عليك فجعت البنت قال بوي فريند قال
هههههههه
لي صديق الحين هو بالهند...كنا دائما نهبل في الخلق بالحركات دي لما كنا نلعب اون لاين ^__^ لله يحفظه



ياخي والله عمري ما مليت من مدونتك ^_^
الله يديمها
هع نفسي اصوت لها تاني هع

سلام عليكم ورحمة الله وبركاته